Emine Ərdoğan Səmərqənddə İmam Buxari Memorial Kompleksini ziyarət etdi

Türkiyə Prezidentinin xanımı Emine Ərdoğan oktyabrın 22-də Özbəkistanın Səmərqənd şəhərindəki İmam Buxari Memorial Kompleksini ziyarət edib. Ziyarət «Uşaqların rifahına sərmayə: gələcək nəsillərin davamlı və ədalətli inkişafına gedən yol» Dünya Sammiti çərçivəsində baş tutub.

Emine Ərdoğan türbədə dua edib, kompleksdəki muzeydə eksponatlarla tanış olub və İmam Buxarinin həyatı barədə məlumat alıb. Sosial şəbəkədəki paylaşımında ziyarəti mənəvi səyahət adlandırıb və İmam Buxarinin hədis elmindəki xidmətlərini yüksək qiymətləndirib.

Ziyarətdə Özbəkistan Prezidentinin xanımı Zirəat Mirziyoyeva, Livan Prezidentinin xanımı Nimət Avn, Qırğızıstan Prezidentinin xanımı Aygül Caparova və Pakistan Baş nazirinin qızı Ayşə Harun da iştirak edib.