Macarıstanda Böyük Hun-Türk Kurultayı: Buqac çölündə 27-dən çox türk icması

Avqustun 14–16-da Macarıstanın Buqac çölündə Böyük Hun-Türk Kurultayı keçirildi. Macar Turan Fondunun təşkil etdiyi üç günlük bayrama türk dövlətlərindən və icmalarından 27-dən çox nümayəndə heyəti qatıldı.

Kurultayda at oyunları, atlı oxatma, süvari döyüş şouları nümayiş olundu. Köçəri yurdları və "Atilla çadırı" quruldu, sənətkarlıq sərgiləri təşkil edildi, "Manas" dastanı əsasında tamaşalar göstərildi.

Tədbirdə Türk Dövlətləri Təşkilatının Baş katibi Kubanıçbek Ömüraliyev də iştirak etdi. O, Macarıstanın TDT-də müşahidəçi statusunu xatırladaraq, Avropa İttifaqı üzvü olan Macarıstanın türk dünyasını Avropaya yaxınlaşdıra biləcəyini söylədi. KKTC də Kurultayda təmsil olundu.