Prezident İlham Əliyev YAP qurultayındakı çıxışından video paylaşdı: "Siyasətdə emosiyalara yer yoxdur"

Prezident İlham Əliyevin rəsmi sosial şəbəkə hesablarında oktyabrın 4-də onun Yeni Azərbaycan Partiyasının (YAP) VIII Qurultayındakı çıxışından videoçarx paylaşıldı. Videoda dövlət başçısının bu sözləri yer alıb: "Siyasətdə emosiyalara yer yoxdur. Biz emosiyalara qapılsaydıq, bu gün, yəqin ki, üçüncü Zəfər Tağı İrəvanın mərkəzində ucaldılardı".

YAP-ın VIII Qurultayı oktyabrın 2-də Bakıda, Heydər Əliyev Mərkəzində keçirilib. Partiyanın sədri olan Prezident çıxışında bunun Azərbaycanın ərazi bütövlüyünü və suverenliyini tam bərpa etdikdən sonra keçirilən ilk qurultay olduğunu vurğulayıb.

Dövlət başçısı YAP-ın təkcə Azərbaycanda deyil, bütün Cənubi Qafqazda ən böyük siyasi qüvvə olduğunu, 30 ildən çoxdur hakimiyyətdə olduğunu bildirib. O, 8 noyabrın əbədi bayram olacağını, 20 sentyabrın da eyni əhəmiyyət daşıdığını qeyd edib.