Qırım tatarlarının milli lideri Mustafa Abdülcemil Qırımoğlu 83 yaşını qeyd edir

Qırım tatarlarının milli lideri Mustafa Abdülcemil Qırımoğlu 1943-cü il noyabrın 13-də Qırımın Bozköy kəndində anadan olub. Qırım tatar xalqı 1944-cü il mayın 18-də Özbəkistana sürgün edilərkən o, cəmi altı aylıq idi.

Gənc yaşlarında Daşkənddə zavodda işləyib, 1969-cu ildə Sovet İttifaqında İnsan Hüquqlarını Müdafiə Təşəbbüs Qrupunun yaradıcılarından biri olub. Təxminən 15 il həbsxana və düşərgələrdə keçirib, 1986-cı ildə azad edilib, 1989-cu ildə Qırıma qayıdıb.

1991-ci ilin iyununda Milli Qurultayın ardından Qırım Tatar Milli Məclisinin (Kurultay-Mecliş) ilk sədri seçilib. 1998-ci ildən Ukrayna parlamentinin deputatıdır, 2014-2019-cu illərdə Ukrayna Prezidentinin Qırım tatarlarının işləri üzrə nümayəndəsi olub. 1998-ci ildə BMT-nin qaçqınlar üzrə Ali Komissarlığının Nansen mükafatını alıb, 2011-ci ildə Nobel Sülh Mükafatına namizəd göstərilib, 2014-cü ilin aprelində Abdullah Gül tərəfindən Türkiyənin Cümhuriyyət Nişanı ilə təltif edilib.

Qırım tatar mətbuatı ad günü münasibətilə ona sağlamlıq və uzun ömür arzulayıb.