Tatar rejissoru İlgiz Zainiyev Almatı kukla festivalında ən yaxşı rejissor seçildi

Tatarıstanın “Əkiyat” Dövlət Akademik Kukla Teatrının rejissoru İlgiz Zainiyev Almatıda keçirilən IV Beynəlxalq “Almaty Puppet Festival – 2026” kukla teatrları festivalında ən yaxşı rejissor mükafatını alıb. Mükafat Qalimcan İbrahimovun əsəri əsasında hazırlanmış “Ədəmnər” (“İnsanlar”) tamaşasına görə verilib.

Tamaşa tatar dilində göstərilir. Festival Azərbaycan, Türkiyə, İran, İtaliya, Fransa daxil olmaqla 11 ölkədən 14 aparıcı teatrı bir araya gətirib. Qalib tamaşanı oktyabrın 23-də Almatıdakı Dövlət Akademik Kukla Teatrının səhnəsində təqdim ediblər.

Bu, tamaşanın ilk uğuru deyil: o, daha əvvəl “Qızıl Maska” mükafatına namizəd göstərilib, Yekaterinburqdakı “Böyük Petruşka” festivalında da ən yaxşı rejissor seçilib və Qabdulla Tukay adına mükafata namizəd olub.