Tokayev süni intellekt forumunda: Qazaxıstanın İT ixracı 1 milyard dolları keçib

Oktyabrın 1-də "AI & Digital Bridge 2026" beynəlxalq forumunda çıxış edən Qazaxıstan Prezidenti Qasım-Jomart Tokayev süni intellektin sənayeni, maliyyəni, təhsili, elmi və dövlət idarəçiliyini sürətlə dəyişdirdiyini söylədi. O, bu sahədə məsuliyyətli inkişafa və beynəlxalq əməkdaşlığa çağırdı.

Tokayevin sözlərinə görə, Qazaxıstanın İT xidmətləri ixracı ötən il 1 milyard dolları keçib. Qazax rəqəmsal həlləri 100-dən çox ölkədə istifadə olunur. Ölkədə artıq Süni İntellekt haqqında qanun və Rəqəmsal Məcəllə qəbul edilib.

Prezident forum çərçivəsində dünyanın aparıcı texnologiya və investisiya şirkətlərinin rəhbərləri ilə görüşdü. Görüşlərdə süni intellekt və məlumat mərkəzi layihələri müzakirə olundu.