TÜRKSOY Ankarada Kayseri 2027 Türk Dünyasının Mədəniyyət Paytaxtı tədbirlərinin hazırlığını müzakirə etdi

Beynəlxalq Türk Mədəniyyəti Təşkilatı TÜRKSOY oktyabrın 15-də Ankaradakı katibliyində “2027 Kayseri Türk Dünyasının Mədəniyyət Paytaxtı” çərçivəsində keçiriləcək tədbirlərin planlaşdırılması və hazırlığı üzrə koordinasiya iclası təşkil edib.

İclasda Türkiyənin Mədəniyyət və Turizm Nazirliyinin və Kayseri Böyükşəhər Bələdiyyəsinin nümayəndələri iştirak edib. Kayseridə keçiriləcək beynəlxalq tədbirlərin infrastrukturu müzakirə olunub.

Tərəflər ortaq dil mövzusunda elmi seminarlar, teatr görüşləri və incəsənət festivalları üçün yol xəritəsini nəzərdən keçirib. Məqsəd bu tədbirləri türk dünyasının ortaq yaddaşına xidmət edən davamlı mədəniyyət layihələrinə çevirməkdir.