Milli Qurtuluş Günü

1993-cü ilin yayında gənc Azərbaycan dövləti ağır böhran içində idi: cəbhədə məğlubiyyətlər, Gəncədə silahlı qiyam və vətəndaş müharibəsi təhlükəsi müstəqilliyi sual altına qoymuşdu. Xalqın tələbi ilə Naxçıvandan Bakıya dəvət olunan Heydər Əliyev 15 iyun 1993-cü ildə Ali Sovetin sədri seçildi.

Qısa müddətdə qardaş qırğınının qarşısı alındı, dövlət idarəçiliyi bərpa olundu, ölkədə sabitlik yarandı. Həmin il oktyabrda Heydər Əliyev ümumxalq səsverməsi ilə Prezident seçildi; 1994-cü ildə "Əsrin müqaviləsi" imzalandı, 1995-ci ildə müstəqil Azərbaycanın ilk Konstitusiyası qəbul edildi.

Bayramın təsisi

1997-ci ildə Milli Məclisin qərarı ilə 15 iyun Azərbaycan xalqının Milli Qurtuluş Günü elan olundu. 1998-ci ildən bu gün rəsmi bayramdır və qeyri-iş günüdür; ölkə boyu Heydər Əliyevin xatirəsinə həsr olunan tədbirlər keçirilir.