Bişkekdə Türk Şurasının gənclər və idman nazirlərinin 10-cu görüşü: Türk dövlətləri futbol klubu və şahmat assosiasiyası təşəbbüsləri

Oktyabrın 21-də Bişkekdə Türk Şurası üzvü dövlətlərin gənclər və idman məsələləri üzrə nazirlərinin 10-cu görüşü keçirilib. Azərbaycan, Qazaxıstan, Özbəkistan və Türkiyənin rəsmi nümayəndə heyətləri, Türk Şurası Katibliyinin rəhbərliyi iştirak edib. Görüşdə gənclər siyasətinin inkişafı, üzv dövlətlər arasında əməkdaşlıq və birgə idman layihələri müzakirə olunub.

Qırğızıstanın Bədən Tərbiyəsi və İdman üzrə Dövlət Agentliyinin direktoru Urmat Asanbayev Türkiyənin irəli sürdüyü Türk dövlətləri futbol klubunun yaradılması təşəbbüsünü dəstəklədiyini bildirib. O, futbolu xalqları yaxınlaşdıran böyük qüvvə adlandırıb. Qırğızıstan həmçinin türk ölkələrinin şahmat federasiyalarını birləşdirəcək Türk Şahmat Assosiasiyasının yaradılmasını dəstəkləyir.

Asanbayev noyabrın 19–28-də Qazaxıstanın Türküstan şəhərində yüksək səviyyəli türk şahmat yarışlarının planlaşdırıldığını xatırladıb. O, avqustun 31-dən sentyabrın 6-dək Qırğızıstanda keçirilən Dünya Köçərilər Oyunlarını da yüksək qiymətləndirib: 100-dən çox ölkədən təxminən 3 min idmançı 43 növdə yarışıb. Görüşün yekunları üzrə protokol qəbul edilməsi gözlənilir.