İstanbulun qurtuluşunun 103-cü ildönümü: 6 oktyabr 1923

Türkiyədə oktyabrın 6-da İstanbulun qurtuluşunun 103-cü ildönümü qeyd olunur. 1923-cü il oktyabrın 6-da Şükrü Naili Paşanın komandanlığı altında türk qoşunları təntənə ilə şəhərə daxil oldu. Bununla təxminən beş il davam edən işğal dövrü sona çatdı.

Birinci Dünya müharibəsindən sonra, 1918-ci ilin noyabrında Antanta dövlətlərinin donanması İstanbula daxil olmuşdu. Qurtuluş müharibəsindəki qələbədən sonra 1923-cü il iyulun 24-də imzalanan Lozanna müqaviləsi işğalçı qoşunların şəhəri tərk etməsini təmin etdi. Bir neçə həftə sonra, 29 oktyabrda Türkiyə Cümhuriyyəti elan olundu.

İldönümü ilə bağlı İstanbulda anım mərasimləri keçirilir. İstanbul bələdiyyəsi bu gün şəhərin ictimai nəqliyyatını bütün gün pulsuz edib.